Hörmətli həmkarlar, dostlar, 
    Sizinlə İmplantoloqların İkinci Beynəlxalq  Xəzər Kofransında görüşməyimizə şad  olarıq.
                Birinci Konfransın uğurlu keçməsi bizi  daha  da ruhlandırdı və bu işin nə  qədər əhəmiyyətli olduğu aşkarlandı.
                Ötən dövr  ərzində bir sıra  müşahidələr və  araşdırmalar aparılmış, hansı mövzulara daha çox ehtiyac olduğu aydınlanmış və bu  konfransın təşkilində bu məsələlərə xüsusi  diqqət verilmişdir
               Bu konfransda məqsəd elmi tədqiqatların və  klinik təcrübənin  həkim - stomotoloqlara çatdırılması və onların elmi yeniliklərə nail olunmasına kömək etmək, dünyada və respublikamızda  aparılan tədqiqatların iştirakçılara çatdırılmasıdır.Konfransla  yanaşı təşkil olunan sərgidə həkimlər istehsalçı firmalarla  bir başa  təmasda olaraq onlara lazım  olan implant  və başqa  alət və  vasitələrin əldə olunmasına imkan tapacaqlar.
               Konfransa İtaliya, Polşa, İsrail, Rusiya, Litva, Latviya və başqa olkələrdən həkim -implantoloq və alim dəvət olunub.Ümüdvaram ki, Konfrans dövründə implantologiyanın bir çox  problemlərinə həsr olunmuş konfrans önü kurslar, seminarlar keçiriləcək.Bu isə öz  növbəsində bu isə öz təcrübəsini kolleqalarla bölüşmək istəyən və  bu təcrübədən bəhrələnmək (yararlanmaq) istəyən implantoloqlar üçün xüsusi  bir  fürsətdir.
             Azərbaycan İmplantoloq İctimai Birliyi çox gənc bir təşkilat olmasına baxmayaraq, respublikamızda implantologiyanın inkişafı  naminə çalışır.Bunun üçün kurslar təşkil  olunur, seminarlar keçirilir, kolleqalar arasında əlaqə yaradılır və istiqamətləndirilir.Bizim respublikamızda gəncdir lakin sürətli inkişaf yolundadır.
              Heç təsadüfi deyil ki, Azərbaycan Respublikası 2006-cı ildə iqtisadiyyatının inkişaf tempinə görə dünyada  1-ci yeri tutdu.Məhz bu fakt əhalinin səviyyəsinin qalxmasına və dolayısı  ilə nisbətən bahalı xidmət olan implantologiyanın inkişafına səbəb olacaq.
             Bu konfrans  dünyanın ən böyük implantoloji təşkilatı  olan Beynəlxalq İmplantoloqlar Konqresinin dəstəyi  və həmtəsisçiliyi ilə təşkil olunur.İCOİ və bir çox başqa ölkələrdən olan analoji cəmiyyətlərlə əməkdaşlıq çox lazımlı və faydalıdır.
             Bütün bu görülmüş və görüləcək işlər siz  dəyərli həmkarların dəstəyi sayəsində həyata keçmiş və keçəcəkdir. Konfransa öz elmi məruzələri ilə  qatılan həmkarlara, təşkilati məsələlərdə yardımçı olan  bütün şəxs və təşkilatlara, iştirakçı firmalara minnətdarlığımı bildirir və İkinci Beynəlxalq Konfransın İşinə uğurlar arzu edirəm!

Hörmətlə,
Azərbaycan İmplantoloq İçtimai Birliyinin sədri                          
Cabbar HƏSƏNOV